琴日有機會去咗幾過唔同嘅場館去睇比賽。先去兩國國技館去睇奧運拳擊，以往呢...

琴日有機會去咗幾過唔同嘅場館去睇比賽。先去兩國國技館去睇奧運拳擊，以往呢個場館係舉行相撲嘅比賽，見到我坐喺觀眾席上睇比賽都要跟返睇相撲嘅規矩，就係要除鞋👟，坐喺一個指定座位去睇。
奧運拳擊比賽總共三回合，每回合三分鐘。節奏比職業拳擊要快得多，加上自上一屆奧運開始，男子拳擊比賽唔需要再帶頭盔，大大增加咗比賽客觀性。

另外奧運開幕當日，入唔到新國立競技場，琴日終於有機會入場，香港🇭🇰選手陳仲泓競逐百一米欄初賽，雖然成績不似預期，但能夠踏上奧運田徑場上，已經喺好犀利。💪🏻

最後再去埋東京體育館去撐乒乓女子團體嘅比賽雖然輸咗俾日本🇯🇵，但係聽日仲有機會爭返面銅牌🥉。大家支持吓。
值得一提我諗室內場館當中呢個場都算最焗😂😂

#東京奧運 #港台電視 #TokyoOlympics #體壇無極限 #搏盡無悔 #香港運動員加油 #加油香港 #團結就是力量

---